سینئیر صحافی اور تجزیہ نگار جاوید چوہدری کا کہنا ہے کہ عمران خان نے بطور وزیر اعظم اپنے خلاف عدم اعتماد کو روکنے کے عوض آرمی چیف کی مدت ملازمت میں توسیع کی پیشکش کرکے انہیں باقاعدہ رشوت دینے کی کوشش ہے۔

آج نیوز کے پروگرام ”روبرو“ میں میزبان اور سینئیر اینکر شوکت پراچہ سے گفتگو میں جاوید چوہدری کا کہنا تھا کہ یہ سیدھی سیدھی رشوت ہے۔

جاوید چوہدری نے کہا کہ “یہ رشوت ہے کہ ”ایک سرکاری افسر جو ایک ادارے کا ہیڈ ہے آپ اس کو ایکسٹینشن (توسیع) کے نام پر برائب (رشوت) کرنے کی کوشش کر رہے ہیں جو میرا خیال ہے ایک بہت سنگین جرم ہے۔“

انہوں نے مزید کہا کہ ”اگر یہ سلسلہ چلتا رہا تو میں آپ کو پہلے ہی بتا رہا ہوں کہ برائب کا کیس بنے گا ان کے خلاف۔ کیونکہ اب تو ادارے نے ہائیسٹ لیول پر اوپنلی پوری دنیا کے سامنے یہ کہا ہے کہ انہوں نے ہمارے ساتھ لین دین کرنے کی کوشش کی تھی جس کو ریجیکٹ کردیا تھا جنرل باجوہ صاحب نے۔“