آئی سی سی ٹی 20 ورلڈ کپ میں پاکستان کی زمبابوے کے ہاتھوں اپ سیٹ شکست کے بعد بابراعظم الیون کے لئے اگلے راؤنڈ تک رسائی مشکل ہوگئی۔

پاکستان کی زمبابوے کے خلاف شکست کے بعد گروپ ٹومزید دلچسپ ہوگیا۔

فائنل فورتک رسائی کے لئے گرین شرٹس کو اپنی پرفارمنس کے ساتھ دیگر ٹیموں کی کارکردگی پر بھی انحصار کرنا ہوگا، یعنی قومی ٹیم ایک بار پھر اگر مگر کے چکر میں پھنس گئی۔

پاکستان ٹیم کو سب سے پہلے نیدرلینڈز اس کے بعد جنوبی افریقا اوربنگلا دیش کو اچھے مارجن سے شکست دینا ہوگی۔

پاکستان کے تمام اگر مگر کا کافی حد تک انحصار اتوار کو بھارت اور جنوبی افریقا کے میچ پر ہوگا، اگر بھارت جیتا تو پاکستان کے لئے امید کی کرن روشن رہے گی۔

لیکن اگر جنوبی افریقا نے بھارت کوہرادیا توپھر پاکستان کو امید لگانا پڑے گی کہ نیدرلینڈز جنوبی افریقا کے خلاف اپ سیٹ کردے اور بھارت کو بھی زمبابوے سے شکست ہوجائے۔

موجودہ صورتحال اتوار کو ہونے والے میچز کے بعد مزید واضح ہوجائے گی۔