آسٹریلیا میں جاری آئی سی سی ٹی 20 ورلڈکپ میں نیوزی لینڈ اور افغانستان کا میچ منسوخ کردیا گیا۔

سپر 12 مرحلے کا 9واں میچ آج نیوزی لینڈ اور افغانستان کے درمیان آسٹریلیا کے شہر میلبرن میں کھیلا جانا تھا۔

میلبرن میں بارش کے باعث میچ کا ٹاس بھی نہ ہوا، قوانین کے مطابق دونوں ٹیموں کو ایک ایک پوائنٹ مل گیا۔

اس سے قبل میلبرن میں کھیلے گئے میچ میں آئرلینڈ نے انگلینڈ کو ڈک ورتھ لوئس میتھڈ کے تحت 5 رنزسے شکست دی تھی۔