پاکستان سمیت دنیا بھر میں رواں سال کے دوسرے اور آخری سورج گرہن کا آغاز ہوچکا ہے، یہ جزوی گرہن پاکستان میں دوپہر ایک بج کر 58 منٹ پر شروع ہوا اور اس کا اختتام شام چھ بج کر دو منٹ پر ہوگا۔

پاکستان کے مختلف شہروں میں سورج گرہن کے مناظر دیکھے جاسکتے ہیں، ملک میں کہیں اندھیرے کا راج ہے تو کہیں جزوی گرہن لگا ہے۔

ماہرین فلکیات کے مطابق ماہرین فلکیات کے مطابق یہ جزوی سورج گرہن پاکستان سمیت ایشیا، یورپ، شمال مشرقی افریقہ کے کئی ممالک میں دیکھا جائے گا۔

بین الاقوامی مرکز فلکیات نے گرہن کے وقت براہ راست سورج کی جانب دیکھنے سے منع کرتے ہوئے سختی سے انتباہ کیا ہے کہ ایسا کرنے سے آنکھوں کو نقصان پہنچ سکتا ہےجومستقل اندھے پن تک کا باعث بن سکتا ہے۔

بین الاقوامی مرکز فلکیات ابوظہبی میں واقع فلکیاتی سیل آبزرویٹری سے گرہن کی براہ راست نشریات نشرکرے گا جنہیں سوشل میڈیا پرمختلف چینلز پرفالو کیا جا سکتا ہے۔

گرہن کو ننگی آنکھ سے دیکھنے کا محفوظ طریقہ یہ ہے کہ خصوصی چشمے کا استعمال کیا جائے، اس مقصد کیلئے ماہرین ویلڈ نگ آئرن نمبر 12 یا 14 میں سے کسی ایک نمبرکا فلٹر تجویز کرتے ہیں۔