باجوڑ میں بیوی کے قتل میں ملوث ملزم کو عدالت نے 14 سال قید اور تین لاکھ روپے جرمانہ کی سزا سنادی۔

ملزم امیر محمد ولد اسمار خان سکنہ برترس ضلع باجوڑ نے 2020 میں بیوی کو قتل کیا تھا۔

قتل کی وجہ یہ بتائی گئی ہے کہ بیوی مقتولہ سے ملزم کے دو بچے ہیں جوکہ تھیلیسمیا کی بیماری میں مبتلا ہیں۔

ملزم یوں بیوی سے ناخو ش تھا اور دوسری شادی میں اس کو رکاوٹ سمجھ رہا تھا۔

جرم ثابت ہونے پر ایڈیشل ڈسٹرکٹ اینڈ سیشن جج دوم باجوڑ حسین علی نے ملزم کو چودہ سال قید اور تین لاکھ روپے جرمانہ کی سزا سنائی۔