سربراہ عوامی مسلم لیگ شیخ رشید کا کہنا ہے کہ عمران خان 13 جماعتوں سے تنہا لڑ رہے ہیں، دھاندلی کا طوفان ہے پھر بھی عمران خان جیتے گے۔

راولپنڈی میں پریس کانفرنس کرتے ہوئے شیخ رشید نے کہا کہ ملک میں فوری طور پر شفاف الیکشن کی ضرورت ہے، عدم استحکام پھیلانے کی بین الاقوامی سازش ہو رہی ہے۔

انہوں نے کہا کہ حکمران سامراج کے ایجنٹ ہیں، ضمیر فروش اور کرپٹ سیاستدانوں پر بھروسہ نہیں کرسکتے، فضل الرحمان دم پر یقین نہیں رکھتے، یہ ان سے دم کرا رہے ہیں۔

ان کا کہنا تھا کہ عالمی ادارے نے تسلیم کیا کہ پاکستانی ایٹمی اثاثے محفوظ ہیں، عدم استحکام پھیلانے کی بین الاقوامی سازش ہو رہی ہے۔