عدالت نے خاتون سے بدسلوکی کیس میں 8 ملزمان کے دوبارہ ناقابل ضمانت وارنٹ گرفتاری جاری کردیئے۔

سیشن کورٹ لاہور میں گریٹر اقبال پارک میں خاتون سے بدسلوکی کے مقدمے پرسماعت ہوئی، ایڈیشنل سیشن جج عشرت عباس نے کیس پر سماعت کی۔

عدالت نے ارسلان،عابد احمد، افتخار اور عمران سمیت 8 ملزمان کے دوبارہ ناقابل ضمانت وارنٹ گرفتاری جاری کردئیے جبکہ متعلقہ ایس ایچ او کو ملزمان کو گرفتار کر کے عدالت پیش کرنے کا حکم دے دیا۔

عدالت نے کیس پر مزید سماعت 24 اکتوبر تک ملتوی کردی۔