وزیرِاعظم شہبازشریف اور نامور مصری قاری محمود کی ملاقات ہوئی ہے، قاری محمود انور الشحات نے پاکستان میں سیلاب سے ہونے والے نقصانات پر ہمدردی اور افسوس کا اظہار کیا۔

وزیرِاعظم شہباز شریف سے نامور مصری قاری محمود کی ملاقات میں سربراہ جمیعت علمائے اسلام (ف) مولانا فضل الرحمن اور وزیرِ مواصلات مولانا اسعد محمود بھی شریک ہوئے۔

ملاقات میں قاری محمود انور الشحات نے پاکستان میں سیلاب سے ہونے والے نقصانات پر ہمدردی اور افسوس کا اظہار کیا۔

قاری محمود کا پاکستان میں 2006 کے بعد یہ دوسرا دورہ ہے جس میں وہ ملک کے مختلف شہروں میں جائیں گے۔