قومی کرکٹ ٹیم کے فاسٹ بولر نسیم شاہ پاک انگلینڈ ٹی ٹوئنٹی سیریز سے باہر ہوگئے۔

پاکستان کرکٹ بورڈ (پی سی بی) کے مطابق نسیم شاہ میں نمونیا کی تشخیص ہوئی ہے جس کے باعث وہ مسلسل دوسرے روز بھی اسپتال میں ہی قیام کریں گے۔

پی سی بی نے بتایا کہ فاسٹ بولر کی اسکواڈ کے ہمراہ تین غیر ملکی سیریز کے لئے نیوزی لینڈ روانگی کا فیصلہ میڈیکل رپورٹس آنے کے بعد کیا جائے گا۔

اس سے قبل پی سی بی کا ایک بیان میں کہنا تھا کہ نسیم شاہ وائرل انفیکشن کا شکار ہو گئے ہیں اور گزشتہ رات طبیعت ناسازی کے باعث انہیں اسپتال لے جایا گیا ہے۔

یاد رہے کہ پاکستان اور انگلینڈ کے درمیان 7میچز پر مشتمل ٹی 20 سیریز کا دوسرا مرحلہ لاہور میں شروع ہو چکا ہے، جس کا پانچواں میچ قذافی سٹیڈیم لاہور میں جاری ہے۔