سعودی عرب کے بادشاہ شاہ سلمان بن عبدالعزیز نے ولی عہد شہزادہ محمد بن سلمان کو مملکت کا وزیراعظم مقررکردیا۔

خادم حرمین شریفین شاہ سلمان نے منگل کو ایک شاہی فرمان جاری کیا جس کے تحت ولی عہد شہزادہ محمد بن سلمان کو سعودی عرب کا وزیراعظم مقررکیا گیا ہے۔

دوسری جانب وزیراعظم شہباز نے ولی عہد شہزادہ محمد بن سلمان کو وزیر اعظم کے طور پر ان کی تقرری کے موقع پرمبارکباد دینے کے ساتھ ہی سعودی عرب کے لیے مزید ترقی کی دعا بھی کی۔

سعودی [میڈیا 2 کے مطابق ولی عہد کی تقرری گورننس قانون کے تحت آرٹیکل 56 اور وزراء کی کونسل کے قانون میں موجود متعلقہ دفعات کو استثنیٰ دینے کےساتھ کی گئی تھی۔

اس کے علاوہ شاہی فرمان میں بادشاہ شاہ سلمان نے ولی عہد کی سربراہی میں وزراء کی کونسل کی تشکیل نوکی ہے۔

بادشاہ شاہ سلمان بن عبدالعزیز نے نائب وزیر دفاع شہزادہ خالد بن سلمان کو وزیر دفاع مقرر کرنے کا فرمان بھی جاری کیا، جبکہ یوسف بن عبداللہ البنیان کو نیا وزیرتعلیم مقرر کیا گیا ہے۔

سعودی بادشاہ نے طلال بن عبداللہ العتیبی کو معاون وزیر دفاع مقرر کیا۔