وفاقی وزیر داخلہ رانا ثناء اللہ نے پولیس نفری نہ بھیجنے پر صوبوں کیخلاف کارروائی کا عندیا دے دیا۔

وزیرِداخلہ رانا ثناء اللہ نے قائمہ کیمٹی برائے داخلہ کے باہر صحافیوں سے گفتگو کرتے ہوئے کہا کہ عمران خان جیسے پاگل شخص سے بات ممکن نہیں ہے، خان صاحب نے تیاری پکڑی ہے ہم بھی مکمل تیار ہیں۔

انہوں نے مزید کہا کہ ریڈ زون کو احتیاط برتنے کے لئے سیل کیا ہے، جب خان صاحب آنے کا ارادہ ظاہر کریں گے تو دوبارہ سیل کریں گے۔

رانا ثناء اللہ نے کہا کہ ہماری افواج اورسکیورٹی فورسز طالبان کے مسئلہ سے نمٹنے کی مکمل صلاحیت رکھتی ہیں، اس میں گھبرانے کی کوئی بات نہیں۔

وفاقی وزیر داخلہ کا مزید کہنا تھا کہ پولیس کی نفری نہ بھیجنے کی صورت میں صوبوں کے خلاف آئین کے تحت کارروائی کی جائے گی۔