وزیراعلیٰ پنجاب پرویز الٰہی نے لاہور میں آتشزدگی کے واقعات کے بروقت سدباب کیلئے واٹر ہائیڈرنٹ قائم کرنے کا حکم دیدیا۔

وزیراعلیٰ پنجاب چودھری پرویز الٰہی کی زیر صدار ت ایل ڈی اے کی گورننگ باڈی کا چوتھا اجلاس ہوا، جس میں ایل ڈی اے گورننگ باڈی کے گزشتہ اجلاس کے فیصلوں کی توثیق کی گئی۔

اجلاس کے دوران وزیراعلیٰ نے لاہور میں واٹر ہائیڈرنٹ قائم کرنے کا حکم دیا۔

اس موقع پر چودھری پرویز الٰہی نے کہا کہ آتشزدگی کی صورت میں مختلف مقامات پر قائم واٹر ہائیڈرنٹ سے پانی کی فراہمی یقینی بنائی جائیگی۔

وزیر اعلیٰ پنجاب نے حکم دیا کہ بڑی عمارتوں کے سیفٹی آڈٹ کے بغیر کوئی نقشہ پاس نہ کیا جائے۔

وزیراعلیٰ نے ایل ڈی اے حدود میں واقع شیخوپورہ سمیت دیگر شہروں کو بھی ڈویلپمنٹ میں شامل کرنے کا حکم بھی دیا۔

وزیراعلیٰ پنجاب سے کینڈین نژاد پاکستانی عامر خان کی قیادت میں اوورسیز پاکستانیز کے وفد کی ملاقات کی اور وزیراعلیٰ فلڈ ریلیف فنڈ کیلئے چیک پیش کیا۔