وزیراعظم شہباز شریف کا کہنا ہے کہ سیلاب متاثرین کی امداد کے لئے فلسطینی امدادی ٹیموں کامشکورہوں۔

سماجی رابطے کی ویب سائٹ ٹوئٹر پر جاری بیان میں وزیراعظم نے سیلاب متاثرین کی امداد پر فلسطین کا شکریہ ادا کرتے ہوئے کہا کہ فلسطینی بھائیوں کی معاونت سے بہت زیادہ متاثر ہوا ہوں، فلسطینی بھائیوں کی مدد مضبوط اور برادرانہ تعلقات کی عکاس ہے۔

Deeply touched by Palestinians' gesture of sending their Rapid Response & Rescue team to help flood victims in Pakistan. It is a reflection of a strong bond of love & brotherhood we have for each other. We will never forget this gesture. Grateful to President Mahmoud Abbas. 🇵🇰 🇵🇸

— Shehbaz Sharif (@CMShehbaz) September 20, 2022

شہبازشریف نے اپنے ٹویٹ میں مزید لکھا کہ فلسطین کی جانب سےمتاثرکن عمل کبھی نہیں بھول سکتا،فلسطینی صدر محمود عباس کے انتہائی مشکور ہیں۔

پاکستان کی کہانی دنیا کو سنانے کیلئے نیویارک پہنچا ہوں، شہبا زشریف

ایک اور ٹویٹ میں وزیراعظم نے کہا کہ پاکستان کی کہانی دنیا کو سنانے کے لئے چند گھنٹے قبل نیویارک پہنچا ہوں، یہ سیلاب سے ہونے والے ایک بڑے انسانی المیے کی گہرے غم اور درد کی کہانی ہے۔

Reached NY a few hours ago to tell Pakistan's story to the world, a story of deep anguish & pain arising out of a massive human tragedy caused by floods. In my address at UNGA & bilateral meetings, I will present Pakistan's case on issues that call for world's immediate attention

— Shehbaz Sharif (@CMShehbaz) September 20, 2022

شہباز شریف نے مزید کہا کہ اقوام متحدہ کی جنرل اسمبلی اور دوطرفہ ملاقاتوں میں پاکستان کا مقدمہ پیش کروں گا، اس وقت پاکستان کو دنیا کی فوری توجہ کی ضرورت ہے۔