وزیر دفاع خواجہ آصف کا کہنا ہے کہ عمران خان آرمی چیف کی تعیناتی سے متعلق پریشان ہے اور کسی کو کوئی پریشانی نہیں،عمران خان معاملے کو سیاسی بنا رہے ہیں۔

لندن میں میڈیا سےگفتگو کرتے ہوئے خواجہ آصف نے کہا کہ پرویزالہی دھاگے سے لٹکے ہوئے ہیں کسی وقت بھی دھاگا ٹوٹ سکتا ہے۔

ان کا کہنا تھا کہ ہم انتخابات سے بھاگ نہیں رہے، انتخابات آئینی تاریخ پر ہونا چاہئیں۔

انہوں نے مزید کہا کہ آرمی چیف کی وفاداری ملک و ادارے سے ہوتی ہے، وزیراعظم کادورہ سمرقندکامیاب رہاہے۔

خواجہ آصف نے کہا کہ میں چاہتاہوں نوازشریف کل کے بجائے آج ہی وطن آجائیں، نوازشریف کے ساتھ ہونے والی زیادتی کا ازالہ ہونا چاہئے۔

ان کا کہنا تھا کہ عمران خان اقتدارکےبغیر مرے جارہے ہیں، موجودہ حکومت اپنی مدت پوری کرےگی۔