لاڑکانہ: شہر سے کچھ ہی کلومیٹر کی دوری پر واقع قدیم تہذیب جھوکر کے دڑو سے پکی مٹی سے بنے چھوٹے برتن اور ان کے ٹوٹے ہوئے ٹکڑے بر آمد ہوئے ہیں۔

محکمہ آرکیالوجی موئن جو دڑو کے آرکیٹیکٹ ایجینئر نوید علی کا کہنا ہے کہ جھوکر کے دڑو سے پکی مٹی سے بنے برتن کافی قدیم لگتے ہیں۔

نوید علی نے بتایا کہبر آمد کیے گئے برتن پر نقش نگاری کی موجودگی سے اندازہ لگایا جاسکتا ہے کہ ہزاروں سال قبل جھوکر کے دڑو پر بسنے والے لوگ نقش نگاری کرتے تھے۔

ان کا کہنا تھا کہ قدیمی برتنوں کا لیبارٹری سے ٹیسٹ بھی کروایا جائے گا پھر ہی معلومات حاصل ہوسکے گی کے یہ برتن کتنے پرانے ہیں۔