لاہور: پاکستان کرکٹ میں ایک اور میچ فکسنگ کا کیس سامنے آگیا ہے۔

ذرائع کے مطابق خیبرپختونخوا ٹیم کا حصہ آل راؤنڈر آصف آفریدی نے ڈومیسٹک میچ کے دوران کھیل سے کھلواڑ کیا جنہیں پاکستان کرکٹ بورڈ (پی سی بی) نے معطل کردیا ہے۔

ذرائع نے بتایا کہ بورڈ نے آصف آفریدی کو نوٹس آف چارج جاری کرتے ہوئے 14 روز میں کرکٹر سے جواب طلب کرلیا۔

ذرائع کا کہنا ہے کہ آصف آفریدی میچ فکسنگ کیس کے دوران کرکٹ کی کسی سرگرمی میں حصہ نہیں لے سکیں گے۔