وزیراعظم شہبازشریف کے معاون خصوصی عطا تارڑنے بالآخر وزیرداخلہ پنجاب ہاشم ڈوگرکی جانب سے کافی پلانےکی آفر قبول کرلی ہے۔

اس سارے معاملے کا آغاز 12 اگست کو لاہورمیں عطا تارڑ کی گرفتاری کے لیے ان کی رہائشگاہ پرمارے جانے والے چھاپے سے ہواتھا۔ ان کے خلاف 25وزیراعلیٰ پنجاب پرویز الہیٰ نے 25 مئی کو پنجاب اسمبلی میں ہونے والے تشدد کے واقعے میں ملوث قراردیتے ہوئے پولیس کو درخواست دی تھی۔

چھاپےکے بعد پولیس کی جانب سے بتایا گیا کہ عطا تارڑگھرپرموجود نہیں تھے تاہم لیگی رہنما نے سوشل میڈیا پراپنے ردعمل کا اظہارکیا تھا۔

ہاشم ڈوگر صاحب میرا خیال تھا آپ وزیر ہیں مگر آپ تو انتہائی غیر سنجیدہ کردار نکلے۔ جس گھر میں، میں 15 سال پہلے رہتاتھا وہاں پولیس بھیج کر کسی راہگیرکو ہراساں کر کے کیا ثابت کرنا چاہتے ہیں۔ یہ حال ہے آپ کا، خاک وزارت چلانی ہے آپ نے۔ ملک دشمن بیانئے کے دفاع میں اتنا آگے نہ جائیں

— Attaullah Tarar (@TararAttaullah) August 13, 2022

دوسری جانب وزیرداخلہ پنجاب نے اپنے آفیشل ٹوئٹرہینڈ پر لیگی رہنما کو کافی پلانے کی آفر کرتے ہوئے کہا تھا کہ عطا تارڑاگر قانون کی طاقت کو سمجھتےہیں تو لاہورمیں پیش ہوجائیں۔

عطا تارڑ آپ پیش ہو جائیں قانون آپ کا انتظار کر رہا ہے۔ آج پولیس نے لاہور میں آپ کے گھر نوٹس دیاہے۔ اگر قانون کی طاقت سمجھتے ہیں تو لاہور میں پیش ہو جائیں pic.twitter.com/MDn8Vg9lqc

— Col (R) Muhammad Hashim| Home Minister Punjab. (@ColhashimDogar) August 12, 2022

عطا تارڑ آپ نے کل کہا تھا کہ آپ پنجاب میں کسی بھی شہر میں آئیں گے۔ آئیں نا آپ کو کافی پلائیں گے

— Col (R) Muhammad Hashim| Home Minister Punjab. (@ColhashimDogar) August 12, 2022

ہاشم ڈوگرنے کئی دیگرمواقع پربھی عطا تارڑ کوکافی پلانے کی آفر کی جس پر آج ان کی جانب سے ردعمل سامنے آیا ہے۔

آج نیوزلاہور کے بیورو چیف سلیم شیخ سے خصوصی گفتگو میں عطا تارڑ کا کہنا تھا کہ میں حیران ہوں کہ ہاشم ڈوگرپاک فوج سے کرنل ریٹائرڈ ہیں، بارڈرکے ساتھ حلقہ لگتا ہے اورکہتے ہیں “کافی ود کرن”،۔

عطا تارڑ نے وزیرداخلہ پنجاب کو بھارتی پروگرام نہ دیکھنے کا مشورہ دیتے ہوئے کہا کہ ، “کافی ود کرن کوئی مثال ہے دینے والی؟ کوئی پاکستانی پروگرام دیکھیں ، اپنے میڈیا اورشوزکو پروموٹ کریں۔ کافی پینے تو میں کل سے ( لاہور ) آیا ہوا ہوں، ابھی تک کوئی دعوت نامہ موصول نہیں ہوا، کافی پلائیں گے تو بالکل پی لیں، کون ہے جوشوق سے کافی نہیں پیتا۔

حکومت پنجاب کی جانب سے عطا تارڑکو نہ چھوڑنے سے متعلق دعووں کی قانونی حیثیت سے متعلق سوال کا جواب دیتے ہوئے لیگی رہنما کا کہنا تھا کہ، “ میرے خلاف کبھی کوئی کرمنل کیس رجسٹرڈ نہیں ہوا، نہ ہی کوئی انکوائری یا تحقیقات زیرالتوا ہیں۔ پنجاب اسمبلی میں پولیس اہلکارپرحملے کا کیس بنایا گیا، تو میں عدالت میں جج کو بتا چکا ہوں کہ جج صاحب ، حملہ اگرمیں نے کیا تھا تو ‘تھمبزاپ’ کون کررہا تھا؟اورکون لوگوں سے کہہ رہا تھاکہ آؤ کودو اورچڑھائی کردو؟ “۔

لیگی رہنما نے دعویٰ کیا کہ قانونی طورپران کا کیس بہت مضبوط ہے، ضمانت منظور ہوجانے کے علاوہ بھی انہیں قانونی تحفظ حاصل ہے،یہ سیاست چمکانا چاہتے ہیں تو ضرور چمکائیں۔

انہوں نے حکومت پنجاب کو مشورہ دیتے ہوئے طنزاً کہا کہ، “ ایک طرف سیلاب آیاہوا ہے اور انہیں عطا تارڑ کا بخار چڑھا ہوا ہے، یہ کافی بھی چھوڑیں، عطا تارڑ کو بھی چھوڑیں اورجاکرسیلاب متاثرین کی مدد کریں“ ۔