پی ٹی آئی رہنما فواد چوہدری کے ٹوئٹراکاؤنٹس سے کی جانے والی حالیہ ٹویٹس نے ان کے فالوورزکواچنبھے میں ڈال دیا ہے، ایسے میں ان کی جانب سے اپنا اکاؤنٹ ہیک کیے جانے کی اطلاع دینے پر بھی سوالیہ نشان لگادیا گیا۔

سابق وفاقی وزیرسائنس وٹیکنالوجی فوادچوہدری کے آفیشل تصدیق شدہ ٹوئٹرہینڈل سے گزشتہ رات چند عجیب سرگرمیاں سامنے آئیں، جن میں ان کی ڈی پی پرسربراہ جمیعت علمائے اسلام مولانا فضل الرحمان کی تصویراورکورفوٹو پر پی ٹی آئی کی سب سے بڑی حریف سیاسی جماعت ن لیگ کے قائد نوازشریف اور نائب صدر مریم نوازکی موجودگی بھی شامل ہے۔

ہیکرنے فواد چوہدری کے اکاؤنٹ سے مولانا فضل الرحمٰن کے انتقال کی جھوٹی خبربھی ان کی تصویر کے ساتھ شیئرکی۔

اس کے بعد فواد چوہدری کی جانب سے کل شب ایک بج کر 50 منٹ پرجانے والی ٹویٹ میں لکھا گیا کہ، “میرا ٹوئٹراکاؤنٹ ہیک کیا گیا ہے”۔

صارفین نے اسکرین شاٹس شیئرکرتے ہوئے تبصروں کے علاوہ یہ سوال بھی اٹھایا کہ فواد چوہدری اپنے ہی اکاؤنٹ سے اس کے ہیک ہوجانے کی اطلاع کیسے دے رہے ہیں۔

Your account was hacked and you are telling this from the hack account how is that possible..?

— Mohammadrafay.eth (@Mohamma95814515) September 2, 2022

He was the “Science Minister”. He can hack into his own hacked account 😂😂

— OmniCurious (@OmniCurious) September 2, 2022

Just like when we're looking for our glasses wearing them.😅

— Jam Ikramullah Khan Dharejo (@JamDharejo) September 2, 2022

فواد چوہدری @fawadchaudhry صاحب نے مجھے فالو کیا ہوا تھا اب اکاوئنٹ ہیک ہونے کے بعد مجھے ہیکر نے ان فالو کر دیا😂 کیا اکاوئنٹ صرف مجھے ان فالو کرنے کے لئے ہیک کیا گیا؟

— Ali Ahmad Awan (@AliAhmadAwan_) September 2, 2022

تاہم ہیک کی جانے والی ٹویٹ کے ایک گھنٹے بعد ہی فواد چوہدری نے ڈی پی تبدیل کرتے ہوئے چیئرمین پی ٹی آئی عمران خان کی تصویر لگائی گئی جو اس بات کی عکاس ہے کہ ان کا ٹوئٹراکاؤنٹ بحال کردیا گیا ہے۔