مشیر اطلاعات پنجاب عمر سرفراز چیمہ کا کہنا ہے کہ جابر، نالائق اور چور حکمرانوں کا اقتدار پر مسلط ہونا قوم کے لیے ہر روز شدید مشکلات کا باعث ہے۔

اپنے بیان میں عمر سرفراز چہمہ نے کہا کہ شہباز شریف مگرمچھ کے آنسو رو کر عوام کو نہیں اپنے آپ کو دھوکا دے رہے ہیں۔

انہوں نے کہا کہ اداروں اور معزز ججز صاحبان کے خلاف مہم کی سخت مذمت کرتا ہوں، دشمن دلیر ہو تو سامنے آکر وار کرتا ہے۔

ان کا کہنا تھا کہ ہمارے مد مقابل بزدل نوسربازوں کا گروہ ہے۔ یہ گروہ سارا دن پراپیگنڈہ کرتا ہے اور اداروں کے خلاف سازشیں کرتا ہے۔

انہوں نے مزید کہا کہ شہباز شریف کی ٹیم فوٹوشوٹس کی ہدایت کاری تو کر سکتی ہے لیکن ملک چلانے میں انتہائی نالائق اور نا اہل ثابت ہوئی ہے۔