پاکستان میں حالیہ بارشوں اور سیلاب سے مزید 19 افراد جاں بحق ہوگئے۔

نيشنل ڈيزاسٹر مينجمنٹ اتھارٹى (این ڈی ایم اے) بارشوں اورسیلاب میں جانى و مالى نقصانات کی رپورٹ جارى کردی۔

رپورٹ کے مطابق ملک بھر میں 14 جون سے اب تک بارشوں کے باعث 1186 افراد جان کى بازى ہار گئے جن میں 526 مرد، 244 خواتين اور 416 بچے شامل ہیں۔

این ڈی ایم اے کی رپورٹ کے مطابق 24 گھنٹوں میں مزيد 1256 افراد زخمى ہوئے، ملک بھر سے کل زخمى ہونے والے افراد کی تعداد 4896 ہوگئی ہے۔

زخمی ہونے والے افراد میں پنجاب 3266 افراد کے ساتھ سرفہرست ہے جب کہ سیلاب کے دوران ملک بھر کے 4 لاکھ 36 ہزار 307 گھر مکمل طور پر تباہ جب کہ 7 لاکھ 36 ہزار سے زائد گھروں کو جزوی نقصان پہنچا ہے۔

این ڈی ایم اے نے بتایا کہ سیلاب کے باعث ملک بھر میں 7 لاکھ 33 ہزار سے زائد مويشي بھی ہلاک ہو چکے ہیں۔

حالیہ بارشوں سیلاب کے باعث 243 پلوں اور 5 ہزار 63 کلو میٹر پر مشتمل سڑک نقصان پہنچا ہے۔