مسلم لیگ ن کے رہنما شاہد خاقان عباسی کا کہنا ہے کہ شوکت ترین نے آئی ایم ایف سے معاہدہ توڑا، پی ٹی آئی حکومت نے جاتے جاتے پیٹرول کی قیمت کم کردی۔

اسلام آباد میں پریس کانفرنس کرتے ہوئے شاہد خاقان عباسی نے کہا کہ تمام مشکلات عمران خان کی نااہلی کی وجہ سے ہیں، عمران خان 4 سال تک عوام سے جھوٹ بولتے رہے،حکومت کومجبوری میں مشکل فیصلےکرنے پڑے۔

ان کا کہنا تھا کہ پارٹی میں مخالفت کےباوجودمشکل فیصلے کئے ، عمران خان اپنی سیاست بچانے کیلئےکچھ بھی کرسکتے ہیں، عمران خان نےچلتی ہوئی معیشت کوتباہ کردیا۔

لیگی رہنما کا کہنا تھا کہ شوکت ترین نے آئی ایم ایف پروگرام کےخلاف سازش کی، کوشش کی گئی کہ آئی ایم ایف پروگرام پورا نہ ہوسکے- یہ پاکستان کےخلاف منظم سازش ہے۔