رہنما پاکستان تحریک انصاف (پی ٹی آئی) زلفی بخاری کا کہنا ہے کہ سابق امریکی صدر ڈونلڈ ٹرمپ ابھی بھی عمران خان کو اپنا دوست سمجھتے ہیں۔

آج نیوز کے پروگرام ‘آج رانا مبشر کے ساتھ’ میں گفتگو کرتے ہوئے زلفی بخاری نے کہا کہ ممالک کے درمیان فارن پالیسی اور تعلقات ایک جیسے نہیں رہتے جب کہ ٹرمپ ابھی بھی عمران خان کو اپنا دوست سمجھتے ہیں۔

انہوں نے کہا کہ امریکی حکومت بہت سمجھدار ہے، خان صاحب کی حکومت آئے گی تو امریکا سے تعلقات ٹھیک کریں گے۔

زلفی بخاری کا مزید کہنا تھا کہ حکومت میں ہر وزارت اچھی کارکردگی نہیں دکھاتی، جیسے شہزاد اکبر احتساب کی ذمہ داری پوری طرح نہیں نبھا سکے۔

عام انتخابات پر پی ٹی آئی رہنما نے کہا کہ حکومت چا ہے گی الیکشن نہ ہوں، کیونکہ انہیں الیکشن میں اپنی سیاسی موت نظر آرہی ہے لیکن یہ غیرمعمولی اتحاد قائم نہیں رہ سکتا۔