چیئرمین سینیٹ صادق سنجرانی اور ڈپٹی چیئرمین سینیٹ مرزا محمد آفریدی نے دو ماہ کی تنخوا سیلاب متاثرین کو امداد کے طور پر دینے کا اعلان کردیا۔

صادق سنجرانی اور سینیٹ کی قیادت نے سیلاب زدگان سے اظہار یکجہتی کے لئے جہاں قوم سے دعا کی اپیل کی ہے تو وہیں چیئرمین اور ڈپٹی چیئرمین سینیٹ نے دو ماہ کی تنخواہ سیلاب زدگان کے لئے امداد کے طور پر دینے کا اعلان کیا۔

اس موقع پر چیئرمین سینیٹ نے کہا کہ سینیٹرز ایک ماہ کی تنخواہ متاثرین کی ریلیف اور بحالی کے لئے دیں گے جب کہ گریڈ 16 سے 22 تک کے ملازمین بھی تین دن کی تنخواہ دیں گے۔

صادق سنجرانی نے سیلاب زدگان کی مدد کے لئے قوم سے اپیل کرتے ہوئے کہا کہ قوم بالخصوص مخیر حضرات متاثرین کے ریلیف اور بحالی کے لئے آگے بڑھیں۔