ملک بھرمیں تباہ کن بارشوں اور سیلاب کے متاثرین کھلے آسمان تلے زندگیاں گزارنے پرمجبورہیں لیکن سیاسی جماعتوں کی چپقلش اس معاملے میں بھی رکتی نظرنہیں آتی۔

بختاور بھٹوکی جانب سے پی ٹی آئی رہنما عالمگیرخان کی ٹویٹ پرتنقید نے بھی سوشل میڈیا پرنئی بحث کا آغازکردیا۔

عالمگیرخان نے سیلاب متاثرین کی مدد کے لیے پلے کارڈ اٹھاکراپنی تصویر شیئرکی جس پر ٹینٹ کی قیمت 10 ہزار اور راشن کے لیے 7 ہزار کا تخمینہ لگایا گیا ہے۔

اس ٹویٹ پرردِعمل ظاہرکرنے والی چیئرمین پیپلزپارٹی کی ہمشیرہ بختاور بھٹوزرداری نے عوام کو محتاط رہنے کا مشورہ دیتے ہوئے کہا کہ یہ وقت چیریٹی سے فائدہ اٹھانے کا نہیں ہے۔

This isn’t a time for PTI to profit on more charity especially on this humanitarian crisis. 12x15 feet waterproof tents are HALF the price quoted below. Smaller even less. Sickening exploitation. Be weary of where your donations go #Pakistan donate to Gov funds or legit NGOs. https://t.co/hbQrtG7zok

— Bakhtawar B-Zardari (@BakhtawarBZ) August 25, 2022

پی ٹی آئی پرالزام عائد کرنے والی بختاورکے مطابق خیمے کا یہ سائز پی ٹی آئی کی بتائی گئی قیمت سے نصف پر دستیاب ہے اس لیے اپنے عطیات کا صحیح استعمال کرتے ہوئے انہیں سیلاب متاثرین کے لیے قائم سرکاری فنڈز یا مصدقہ این جی اوزکوہی دیں۔

فِکس اِٹ کے نام سے فلاحی کام کرنے والے عالمگیر نے اس الزام کا جواب بختاور کو ویڈیو کی شکل میں دیا۔

بختاور بھٹوکو “سندھ میں قائم سلطنت کی شہزادی” قراردینے والے عالمگیرنے کہا کہ ایسی صورتحال میں سیاست کرنا مناسب نہیں، ہم بھی آپ کی 14 سالہ حکومت سے سوال کرسکتے تھے لیکن اس وقت ایسا کرنا مناسب نہ سمجھا، ہم اس وقت جو کرسکتے تھے ہم نے سوچا ہم وہ کریں گے“۔

Reply to Zardari Kingdom Princess Bakhtawar Bhutto Zardari (Part-1)#Fixit pic.twitter.com/rjE4w74EWc

— Alamgir Khan (@AKFixit) August 25, 2022

پی ٹی آئی رہنما نے ٹینٹ کی قیمت زائد بتانے والے الزام کے جواب میں بختاور سمیت تمام پاکستانیوں سے گزارش کی کہ کم قیمت والے ٹینٹ اسی کوالٹی میں کہیں سے بھی دلوادیں لیکن ہم نے واٹرپمپ سے اتنے میں ہی خریدے ہیں“۔

بختاورکو تنقید کا نشانہ بناتے ہوئے عالمگیرنے مزید کہا کہ ، “محل میں رہنے والی محترمہ کوکیا علم کہ واٹرپمپ یا بسم اللہ مارکیٹ کہاں ہے، اے سی میں بیٹھ کر ٹویٹ کرنا بہت آسان ہے لیکن تنقید سے بہتریہ بتانا ہوتا کہ اس صورتحال میں انہوں نے اپنی طرف سے کیا کیا؟ “۔

Reply to Zardari Kingdom Princess Bakhtawar Bhutto Zardari (Part-2)#Fixit pic.twitter.com/uNSUPShIGE

— Alamgir Khan (@AKFixit) August 25, 2022

عالمگیرکے مطابق اگربختاوراپنے محلات کے دروازے ہی کھول دیں تو کئی گاؤں کی آبادی کو چھت مل جائے گی۔

پی ٹی آئی رہنما نے اپنی ویڈیو میں صوبائی حکومت کو بھی کڑی تنقید کا نشانہ بناتے ہوئے کہا کہ اگر حکومتیں کرنا چاہیں تو کرسکتی ہیں، عوام سندھ حکومت کوعطیات دیں لیکن وہ پہلے اپنی ٹیکس کلیکشن تو مکمل کرلے۔