ریاض: سعودی عرب میں ایک ٹریفک حادثے کے نتیجے میں 6 پاکستانی جاں بحق ہوئے جن کی میتوں کو وطن روانہ کردیا گیا۔

ٹریفک حادثہ دو روز قبل ریاض کے علاقے الدرعیہ میں پاکستانی ورکرز کی گاڑی کو ٹرالر کی جانب سے ٹکر مارنے کے نتیجے میں پیش آیا جس میں دو افراد معمولی زخمی بھی ہوئے۔

جاں بحق افراد میں خیر زمین، محمد طیب، سعیداللہ، فضل حیان، حیات خان اور حکیم خان شامل ہیں جن کا تعلق خیبر پختونخوا سے ہے۔

پاکستانی سفارت خانے نے میتوں کو پاکستان بھجوانے کے لئے سفری دستاویزات فراہم کیئے، ورکرز کی نماز جنازہ ادا کرنے کے بعد میتوں کو وطن روانہ کر دیا گیا۔