بلوچستان میں امدادی سرگرمیوں کے دوران لاپتہ ہونے والے ہیلی کاپٹر لیفٹیننٹ جنرل سرفراز علی بھی سوار تھے جو انتہائی بہترین پروفیشنل کرئیر کے مالک تھے اور اہم ترین عہدوں پر فائز رہے۔

نومبر 2020 میں انہیں “تھری اسٹار جنرل” یعنی لیفٹیننٹ جنرل کے عہدے پر ترقی دی گئی، دسمبر 2020 میں انہیں کور کمانڈر کوئٹہ تعینات کیا گیا۔

اس سے قبل لیفٹیننٹ جنرل سرفراز علی جنوری 2020 سے دسمبر 2020 تک انسپکٹر جنرل فرنٹئیر کور بلوچستان کی ذمہ داریاں نبھاتے رہے، کیونکہ وہ بلوچستان کے چپے چپے سے واقف تھے۔

میجر جنرل سرفراز 2018 سے 2019 تک ڈائریکٹر جنرل ملٹری انٹیلی جنس (ڈی جی ایم آئی) کے اہم ترین عہدے پر بھی تعینات رہے۔

انہوں نے 2012 میں بطور بریگیڈئیر ملک کی سب سے مشہور “111 بریگیڈ” کو کمانڈ کیا جو پورے دارالحکومت کو کنٹرول کرتی ہے۔

لیفٹیننٹ جنرل سرفراز علی ہر دلعزیز شخصیت کے طور پر مشہور تھے، اسی وجہ سے انہیں 12 کور کا کمانڈر تعینات کیا گیا۔

12 کور کے کمانڈر کو بہت اہمیت حاصل ہوتی ہے۔ افغانستان کے حالات ہوں یا بلوچستان کے اندرونی معاملات، ان میں کور کمانڈر کوئٹہ کا اہم کردار ہوتا ہے۔