اسلام آباد: پاکستان میں کورونا کے وار جاری ہیں، گزشتہ روز مزید 4اموات ہوئیں جبکہ ایک روز کے دوران 620 نئے مریض رپورٹ ہوئے۔

قومی ادارہ صحت کےمطابق گزشتہ 24 گھنٹے کے دوران 16ہزار 706 ٹیسٹ کئے گئے جن میں سے 620 کیسزرپورٹ ہوئے ۔

گزشتہ 24 گھنٹے کے دوران کورونا سے 4 مریض دم توڑگئے، تمام اموات سندھ میں ہوئی ، اس وقت ملک کے مختلف اسپتالوں میں کورونا کے 191 مریضوں کی حالت تشویشناک بتائی جارہی ہے ۔

گزشتہ روز مثبت کیسزکی شرح 3.71 فیصد ریکارڈ کی گئی، دیا میر میں سب سے زیادہ 12.24 فیصد رہی جبکہ مظفرآباد میں 11.27 فیصد،مردان میں 9.42 فیصد، لاہور میں 7.80 فیصد، ایبٹ آباد میں 5.94 فیصد، گلگت میں 4.98 فیصد اور نوشہرہ میں 4.55 فیصد شرح رہی ۔

اس کے علاوہ کراچی میں مثبت کیسز کی شرح 4.41 فیصد ،ملتان میں3.53 فیصد اور پشاور میں 3.4 فیصد ریکارڈ کی گئی۔