حمزہ شہباز نے سپریم کورٹ میں وزیرِ اعلیٰ پنجاب کے انتخاب کے معاملے پر فل کورٹ بنانے کی درخواست دائر کر دی۔

حمزہ شہباز کی جانب سے دائر درخواست میں کہا گیا ہے کہ 22 جولائی کو ڈپٹی اسپیکر دوست محمد مزاری کی دی گئی رولنگ درست ہے، جبکہ چوہدری شجاعت حسین کا اپنے اراکینِ اسمبلی کو لکھا گیا خط آئین اور قانون کے مطابق ہے۔

درخواست میں مزید کہا گیا کہ الیکشن کمیشن نے منحرف اراکین کے خلاف عمران خان کی جانب سے لکھ گئے خط میں دی گئی ہدایات کو درست قرار دیا تھا۔

حمزہ شہباز کی سپریم کورٹ میں دائر درخواست میں الیکشن کمیشن کے خلاف منحرف ارکان کی اپیلیں بھی ساتھ سننے کی اپیل کی گئی ہے۔

حمزہ شہباز نے عدالت سے نظرثانی کی درخواستوں کی ایک ساتھ سماعت اور منحرف اراکن کی اپیلیں بھی رولنگ کیس کےساتھ سننے کی استدعا کی۔