صوبائی وزیراطلاعات عطاء تارڑ نے کہا ہے کہ سوشل میڈیا پر توہین آمیز ٹرینڈز کون چلاتا رہا، سب جانتے ہیں، ن لیگ نے کبھی اداروں کے خلاف مہم نہیں چلائی، فواد چوہدری کی جانب سےلگائےگئےالزامات کو مسترد کرتے ہیں۔

لاہور میں میڈیا سے گفتگو کرتے ہوئے عطاء تارڑ نے کہا کہ ق لیگ کے پارلیمانی لیڈر کا کسی کوپتا نہیں تھا، پارٹیاں تبدیل کرنا فواد چوہدری کاوطیرہ ہے، فوادچوہدری سے بڑا خوش آمدی میں نے نہیں دیکھا۔

انہوں نے کہا کہ تحریک انصاف کے خط میں پارٹی صدر کی ہدایت کاذکرہے، اس خط کی بناء پر ہمارے 25 ووٹ ختم کئے گئے، اس میں کوئی حرج نہیں ہےکہ فل کورٹ بنچ بنایاجائے۔

عطاء تارڑ کا کہنا تھا کہ ڈپٹی اسپیکرکی رولنگ قانونی ہے، پارٹی سربراہ کا لیٹر آیا اور فون آیا، فل کورٹ کےعلاوہ اس کاکوئی اورآپشن یاحل نہیں ہے۔