افسانہ حسام فرد ایران کی پہلی خاتون بن گئی ہے جنہوں نے کامیابی کے ساتھ دنیا کی دوسری بلند ترین چوٹی کو سر کر لیا۔

ایرانی خبر رساں ایجنسی کے مطابق پاکستان میں واقع دنیا کی دوسری بلند ترین چوٹی (کےٹو) کی بلندی 8 ہزار611 میٹر ہے۔

قبل ازیں افسانہ مئی میں ایک مہم کے دوران ماؤنٹ ایورسٹ کی چوٹی پر پہنچنے والی صرف تیسری خاتون بن گئیں تھیں۔

تاہم ماؤنٹ ایورسٹ کو 9 ہزار مرتبہ سے زیادہ سر کیا جا چکا ہے۔

کے ٹو پہاڑ کو سر کرنا ایک مشکل عمل ہے، جس دوران متعدد کوہ پیما اپنی جان کی بازی ہار جاتے ہیں۔

کے ٹو پر ہوا کی رفتار200 کلومیٹر فی گھنٹہ سے زیادہ ہوسکتی ہے، جبکہ درجہ حرارت منفی 60 ڈگری تک گر سکتا ہے۔