اسلام آباد: تحریک انصاف نے پنجاب ضمنی انتخابات میں پولنگ ایجنٹس متعلقہ حلقے سے ہونے کے ڈسٹرکٹ ریٹرننگ آفیسرز کے احکامات کو الیکشن کمیشن میں چیلنج کردیا۔

درخواست میں مؤقف اختیار کیا گیا ہے پولنگ ایجنٹس کا متعلقہ حلقہ سے ہونے سے متعلق ریٹرننگ افسران کا موقف غیرقانونی ہے، ایسا موقف منصفانہ صاف شفاف الیکشن کی راہ میں رکاوٹ ہیں، الیکشن کمیشن ریٹرننگ افسران کو ایسے اقدامات سے روکے اور احکامات کو کالعدم قرار دے۔

درخواست کے بعد میڈیا سے گفتگو میں عمر ایوب نے کہا کہ قانون میں ایسی کوئی بات نہیں کہ پولنگ ایجنٹ اسی حلقے کے ہوں، ن لیگ سرکاری مشینری استعمال کررہی ہے۔

تحریک انصاف کیجانب سے دائر درخواست میں الیکشن کمیشن اور ڈی آر اوز سمیت دیگر کو فریق بنایا گیا ہے۔