کراچی میں تیزبارش کےبعد ندی نالوں میں پانی کا بہاؤ تیز ہوگیا، ملیر میمن گوٹھ کے بعد گڈاپ ندی میں بھی طغیانی آگئی، پانی کے ریلے میں 3 افراد بہہ گئے، ایک شخص کو بچالیا گیا جبکہ 2کی تلاش جاری ہے۔

کراچی میں تیزبارش کے بعد سڑکوں کی صورتحال ابترہوگئی، ندی نالوں میں پانی کا بہاؤ تیزہوگیا، گڈاپ ندی کا پانی سڑکوں پر آگیا۔

سوشل میڈیا پر متعدد ویڈیوز اپ لوڈ ہیں جن میں دیکھا جاسکتا ہے کہ شہریوں کو کس طرح کی پریشانی کا سامنا کرنا پڑ جاتا ہے دوران بارش۔
مذید ویڈیوز کے لئے : https://t.co/LzQcgs9MJF
انگلش:https://t.co/QmOYaZiiep pic.twitter.com/iKWKoimSiC

— Aaj News (@Aaj_Urdu) July 8, 2022

موٹرسائیکل پر سوار 3 افراد پانی کے ریلے میں بہہ گئے، ایک شخص کوبچالیا گیا جبکہ باپ اور بیٹے کی تلاش جاری ہے۔

سپرہائی وے پرشہری ٹریفک میں پھنسے رہے، اندھیر کی وجہ سے ریسکیو ٹیموں کو مشکلات کا سامنارہا، کئی گھنٹوں بعد سپرہائی وے کو ٹریفک کیلئے کھول دیا گیا۔

ایڈمنسٹریٹرمرتضیٰ وہاب کا کراچی کےمختلف علاقوں کا دورہ

دوسری جانب ایڈمنسٹریٹر کراچی مرتضیٰ وہاب نے رات گئے لیاری، کھارادر اور چاکیواڑہ سمیت شہر کے مختلف علاقوں کا دورہ کیا اورنکاسی آب کے کاموں کا جائزہ لیا۔

Shaaabaaash gul hameed. Aisey hee kaam kartay raho https://t.co/WwUmOvfF2C

— Murtaza Wahab Siddiqui (@murtazawahab1) July 7, 2022

مرتضیٰ وہاب نے کے ایم سی حکام کو نشیبی علاقوں سے پانی کی نکاسی کیلئے پمپس لگانے کی ہدایت کردی۔

ایڈمنسٹریٹر کراچی نے ایمپریس مارکیٹ، نمائش،گرومندر کے علاقوں میں نکاسی آب کا بھی جائزہ لیا۔

مرتضی وہاب کا کہنا تھا کہ نشیبی علاقوں اور گلیوں میں جہاں پانی موجود ہے وہاں صفائی کی جا رہی ہے۔