اسلام آباد: ملک میں کورونا وائرس پھر سے سر اٹھانے لگا، گزشتہ ایک روز کے دوران مزید 650 نئے کیسز رپورٹ ہوئے جبکہ 2 مریض جاں بحق ہوگئے، ملک میں کورونا کے مثبت کیسز کی شرح 3.88 ریکارڈ کی گئی۔

قومی ادارہ صحت کے مطابق گزشتہ 24 گھنٹوں میں 16 ہزار 755 ٹیسٹ کئے گئے، جن میں سے 650 افراد میں کورونا وائرس کی تشخیص ہوئی۔

COVID-19 Statistics 03 July 2022
Total Tests in Last 24 Hours: 16,755
Positive Cases: 650
Positivity %: 3.88%
Deaths: 02
Patients on Critical Care: 138

— NIH Pakistan (@NIH_Pakistan) July 3, 2022

سب سے زیادہ کراچی میں 430، لاہور میں 51، اسلام آباد میں 42، راولپنڈی میں 21 اور پشاور میں 11 کیسز رپوٹ ہوئے، اس وقت زیر علاج مریضوں میں سے 138 کی حالت تشویش ناک بتائی جا رہی ہے۔

ملک میں مثبت کیسز کی شرح 3.88 ریکارڈ کی گئی، سب سے زیادہ صوابی میں 42.86، کراچی میں 21.39 ، مظفر آباد میں 6.98، ایبٹ آباد میں 3.70 اور پشاور میں 2.99 رپورٹ ہوئی۔

اس کے علاوہ کوئٹہ میں 2.87، اسلام آبادمیں2.53، نوشہرہ میں 2.33، لاہور میں 2.17، راولپنڈی میں 1.87، گوجرانوالہ میں 1.52، گجرات میں 1.32 اور حیدر آباد میں مثبت کیسز کی شرح 1.14 رہی۔