راس الخیمہ: متحدہ عرب امارات کا ایک اسپتال ایک ایسا ٹیسٹ پیش کررہا ہے جو کسی بھی شخص کے نسب کا تعین کرنے میں مدد کرے گا۔

راس الخیمہ اسپتال نے کہا ہے کہ وہ نسب کی جانچ کے لئے “جدید ترین این جی ایس (اگلی نسل کی سیکوئنسنگ) ٹیکنالوجی” استعمال کررہا ہے۔

یہ کسی شخص کے آباؤ اجداد کو نہ صرف ملک یا براعظم بلکہ ایک مخصوص جغرافیائی محل وقوع میں تلاش کرنے میں مدد فراہم کرتا ہے۔

اسپتال نے ایک پریس اعلامیے میں کہا ہے کہ نسب کی جانچ پڑتال پانچ سے 100 نسلوں بلکہ اس سے بھی زیادہ پیچھے جاسکتی ہے۔

ایک سادہ لعاب کی مدد سے آپ دریافت کرسکتے ہیں کہ آپ کا ڈی این اے اور آپ کے آباؤ اجداد کی نقل مکانی کے راستے کیا تھے۔

اس کے نتائج آپ کو اپنی تاریخ سے جوڑنے اور ایسے لوگوں اور جگہوں کو تلاش کرنے میں مدد دیں گے جس کا کوئی ریکارڈ نہیں۔

اسپتال کے مطابق اس ٹیسٹ کی قیمت صرف 1100 درہم ہے۔