سابق وفاقی وزیر اور نائب صدر پاکستان تحریک انصاف (پی ٹی آئی) شاہ محمود قریشی نے کہا کہ حمزہ شہباز اب پنجاب کے آئینی وزیر اعلیٰ نہیں رہے۔

ایک بیان میں شاہ محمود قریشی نے کہا کہ اسعد محمود نے کل اسمبلی میں احتجاج کیا ہے، حمزہ شہباز کے وزیراعلیٰ کا الیکشن کالعدم ہوسکتا ہے اور اسی سلسلے میں لاہور ہائی کورٹ دوبارہ الیکشن کا حکم بھی دے سکتا ہے۔

انہوں نے مزید کہا کہ پنجاب میں نیا آئینی بحران جنم لینے والا ہے، صوبے کی انتظامیہ جانبداری کا مظاہرہ نہ کرے، بلکہ قانون کی دائرے میں رہتے ہوئے اپنی ڈیوٹی سر انجام دے۔