اسلام آباد: ملک میں کورونا وائرس زور پکڑنے لگا، گزشتہ 24 گھنٹوں میں کورونا کے باعث مزید 2 افراد جاں بحق اور382 کیسز رپورٹ ہوئے جبکہ مثبت کیسز کی شرح 2.85فیصد ریکارڈ ہوئی۔

نیشنل انسٹیوٹ آف ہیلتھ (این آئی ایچ) کے مطابق گزشتہ 24 گھنٹے میں ملک میں کورونا کے 13 ہزار 412 ٹیسٹ کئے گئے،جن میں سے 382 مثبت کیسز رپورٹ ہوئے ۔

سب سے زیادہ سندھ 260 کیسز رپورٹ ہوئے ، اس کے علاوہ پنجاب میں 69 ، اسلام آباد 32 اور خیبرپختونخوا میں17کیسزرپورٹ ہوئے ۔

گزشتہ 24 گھنٹے میں سندھ اور پنجاب میں 2 مریض کورونا کے باعث زندگی کی بازی ہار گئے، رواں ماہ کورونا سے 11 اموات رپورٹ ہوچکیں ہیں۔

کورونا کیسزکے ساتھ ساتھ مثبت شرح بھی بڑھ رہی ہے، مثبت کورونا کیسزکی شرح 2.85 فیصد ریکارڈ ہوئی۔

اس وقت ملک کے مختلف اسپتالوں میں زیرعلاج 87 مریضوں کی حالت تشویشناک بتائی جارہی ہے ۔