اسلام آباد: پیپلزپارٹی رہنما شیری رحمان نے کہا ہے کہ اگرآئی ایم ایف بجٹ ہے تو کون ہمیں باندھ کرگیا؟ آئی ایم ایف سے بندھ جانا کسی کو بھی پسند نہیں۔

اسلام آباد میں میڈیا سے گفتگو کرتے ہوئے شیری رحمان نے کہا کہ کشکول توڑنے کی بات کرنے والوں نے کیا کیا؟ یہ سب ان کی انا اور انتقامی سیاست کی وجہ سے ہوا۔

انہوں نے کہا کہ حکومت مشکل فیصلےنہیں کرتی توملک دیوالیہ ہوجاتا، پی ٹی آئی نےاپنے دورمیں ریکارڈ قرض لیا ہے۔

شیری رحمان کا کہنا تھا کہ پی ٹی آئی حکومت نے آئی ایم ایف سے وعدہ کیا تھا، قرض لے کرشاہ خرچیاں کی گئیں۔