تہران : ایران نے جوہری تنصیب سے عالمی ایجنسی کے 2 کیمرے ہٹا دیئے، کیمرے دائرہ کار سے باہر کی ریکارڈنگ کررہے تھے۔

ایران نے اپنی ایک جوہری تنصیب سے بین الاقوامی جوہری توانائی ایجنسی کے 2 نگرانی والے کیمرے ہٹا دیئے۔

ایران نے جوہری تنصیب سے عالمی ایجنسی کے 2 کیمرے ہٹادیے#AajNews #AajUpdates pic.twitter.com/w18TgOl1JA

— Aaj News (@Aaj_Urdu) June 9, 2022

سرکاری ٹیلی ویژن کی رپورٹ کے مطابق یہ اقدام ممکنہ طور پر اقوام متحدہ کے جوہری نگراں ادارے کے ساتھ تناؤ کو بڑھا سکتا ہے۔

ایران کے جوہری توانائی کے ادارے کے ترجمان بہروز کمال وند نے کہا کہ ایران کیلئے تعاون کرنا نہ ممکن ہے جبکہ دوسرا فریق نامناسب سلوک کر رہا ہے،کیمرے حفاظتی اقدامات کے دائرہ کار سے باہر کی ریکارڈنگ کر رہے تھے۔

انہوں نے مزید کہاکہ ایران نے پہلے خیرسگالی کے طور پر کیمروں کی اجازت دی تھی۔