کراچی: سندھ حکومت کے ترجمان بیرسٹر مرتضی وہاب نے کراچی کے مختلف نالوں کا جائزہ لیا۔

تفصیلات کے مطابق کے ایم سی کی جانب سے برسات سے قبل تمام نالوں کی صفائی کی مہم شروع کی گئی ہے۔

ایڈمنسٹریٹر کراچی بیرسٹر مرتضی وہاب کی شہر کے چھوٹے بڑے نالے مکمل صاف کرنے کی ہدایت کی۔

مرتضیٰ وہاب نے حکام کو ہدایت کی کہ نالوں کا چوک ہوجانا اہم مسئلہ ہے صفائی کو یقینی بنایا جائے۔

اس موقع پر انہوں نے کہا کہ بارش کی صورت میں نکاسی آب مکمل طریقے سے ہوسکے، گزشتہ بارشوں میں ہم سب نے محنت کی اور شہریوں کو دشواری کا سامنا نہیں کرنا پڑا۔

ایڈمنسٹریٹر کراچی نے کہا کہ یہ ایک ٹیم ورک کا نتیجہ تھا، یہی ٹیم ورک درکار ہے، حدود و قیود کی بحث کے بغیر برساتی نالے صاف ہونے چاہییں۔

انہوں نے کہا کہ مجھے امید ہے تمام بلدیاتی ادارے اسپرٹ کا مظاہرہ کرینگے۔

ان کا کہنا تھا کہ امید ہے برساتی پانی کی نکاسی میں کسی قسم کی کوتاہی نہیں ہوگی۔