پشاور: وزیراعلی کے پی محمود خان کا فورس سے متعلق بیان پریوٹرن، کہا کہ پہلےبھی خالی ہاتھ گئے تھےاب بھی خالی ہاتھ جائینگے۔

پشاور میں میڈیا سے گفتگو کرتے ہوئے وزیراعلیٰ کے پی نے کہا کہ پی ٹی آئی ورکز ہماری فورس ہیں، مارچ میں ورکرز بھر پور انداز میں شرکت کریںگے۔

انہوں نے کہا کہ وفاقی حکومت جتنی کمیٹاں بنانا چاہتی ہے بنالے، امپورٹڈ حکومت نے میرے خلاف3مقدمات درج کئے، جتنی مرضی مقدمےبنائیں،پیچھے ہٹنے والا نہیں۔

وزیراعلیٰ خیبرپختونخوا نے کہا کہ ملک کو بچانا ہےتو امپورٹڈ حکومت کو ہٹانا ہے۔

انہوں نے مزید کہا کہ صوبے کا وزیراعلی ہوں،اپنے لوگوں کا تحفظ میری ذمہ داری ہے۔

ان کا کہنا تھا کہ میرے خلاف بننے والی کمیٹی کا سربراہ ایک مجرم اورقاتل ہے۔