اسکردو: نامور پاکستانی کوہ پماث علی رضا سدپارہ انتقال کرگئے، مرحوم کی نماز جنازہ آج 10 بجے اولڈینگ امام بارگاہ میں ادا کی جائے گی۔

اہلخانہ کے مطابق ‎نامور پاکستانی کوہ پیما علی رضا سدپارہ جمعے کی صبح رضائے الہی سے انتقال کرگئے ۔

سکردو: نامور پاکستانی کوہ پیماہ علی رضا سدپارہ انتقال کرگئے#AajNews #AliRazaSadpara pic.twitter.com/saxnYwqca8

— Aaj News (@Aaj_Urdu) May 27, 2022

علی رضا سدپارہ پہاڑ سے گرنے کے باعث زخمی ہوئے تھے اور گزشتہ ایک ہفتے سے ریجنل اسپتال اسکردو میں زیر علاج تھے۔

علی رضا سدپارہ کی عمر 66سال تھی، مرحوم 1986 سے کوہ پیمائی کر رہے تھے، انہوں نے 8 ہزار میٹر سے بلند 4 چوٹیوں کو 17 بار سر کا تھا، علی رضا نے رواں سال کے ٹو کی مہم جوئی پر جانا تھا۔

اہلخانہ کے مطابق مرحوم علی رضا سد پارہ کی نماز جنازہ آج 10 بجے اولڈینگ امام بارگاہ میں ادا کی جائے گی۔

وزیراعلیٰ پنجاب کا کوہ پیما علی رضا سد پارہ کے انتقال پراظہار افسوس

دوسری جانب وزیراعلیٰ پنجاب حمزہ شہبازنے کوہ پیما علی رضا سد پارہ کے انتقال پر افسوس کا اظہار کیا ہے ۔

وزیراعلیٰ پنجاب نے علی رضا سد پارہ کی خدمات کو خراج عقدات پیش کیا اور ان کے لواحقین سے دلی ہمدردی اورتعزیت کا اظہار بھی کیا۔