اسلام آباد ہائیکورٹ نے الیکشن کمیشن کے عدلیہ کے متوازی اختیارات کیخلاف درخواست پر الیکشن کمیشن کو نوٹس جاری کر دیئے۔

اسلام آباد ہائیکورٹ کے چیف جسٹس اطہر من اللہ نےالیکشن کمیشن کے عدلیہ کے متوازی اختیارات کیخلاف درخواست پر سماعت کی۔

درخواست گزار دانیال کھوکھر کی جانب سے وکیل بابر اعوان عدالت کے سامنے پیش ہوئے۔

چیف جسٹس اطہر من اللہ نے کہا کہ سپریم کورٹ نے حالیہ فیصلے میں اس حوالے سے تشریح کی ہے، سپریم کورٹ کے 2رکنی بینچ نے کہا ہے کہ الیکشن کمیشن کورٹ نہیں لیکن یہ اختیارات استعمال کر سکتا ہے،پٹشنر کیسے متاثرہ فریق ہے اس حوالے سے بھی عدالت کی معاونت کریں۔

اسلام آباد ہائیکورٹ نے الیکشن کمیشن سے جواب طلب کرلیا اور معاونت کیلئے اٹارنی جنرل کو بھی نوٹس جاری کردیا۔