پاکستان سے فرار ہونے والے چینی باشندوں کی ویڈیو سوشل میڈیا پر وائرل ہورہی ہے۔

آج نیوز کے مطابق ایک ویڈیو سوشل میڈیا پر گردش کررہی ہے، جس میں (پی پی ای) سوٹ میں ملبوس افراد کراچی ایئرپورٹ کی بین الاقوامی پرواز کے ذریعے روانہ ہونے کے لئے کھڑے نظر آ رہے ہیں۔

تاہم مذکورہ ویڈیو کے ساتھ کیپشن میں کہا گیا ہے کہ"خوف زدہ چینی باشندے کراچی ایئرپورٹ سے پاکستان چھوڑ کر بڑے پیمانے پر جارہے ہیں کیونکہ ہماری سیکیورٹی فورسز انہیں تحفظ فراہم کرنے میں بری طرح ناکام رہے ہیں۔"

آج نیوز نے اے ایس ایف (ائیرپورٹ سیکورٹی فورس) کے ڈائریکٹر سے رابطہ کیا جنہوں نے کہا کہ یہ ویڈیو درست نہیں ہے۔

تاہم اے ایس ایف ریکارڈ پر بات نہیں کرتا جبکہ اس وقت ایئرپورٹ کی تزئین و آرائش اور فرش لگانے کا کام جاری ہے، اس سے ثابت ہوتا ہے کہ یہ حالیہ ویڈیو نہیں ہو سکتی ہے۔

واضح رہے کہ ایک روز قبل ایک خودکش بمبار نے جامعہ کراچی میں چینی اساتذہ کو نشانہ بنایا تھا۔