اسلام آباد: سابق وزیراعظم و مسلم لیگ (ن) کے قائد نواز شریف کو نیا پاسپورٹ جاری کردیا گیا ہے۔

ذرائع کے مطابق نواز شریف کو نیا پاسپورٹ 23 اپریل کو جاری کیا گیا ہے جس کی مدت 10 سال ہے اور سابق وزیراعظم اب کسی بھی وقت لندن سے پاکستان کے لیے روانہ ہوسکتے ہیں۔

گزشتہ دنوں وفاقی حکومت نے قبل پاسپورٹ کی تجدید کی ہدایت جاری کی تھی۔

واضح رہے کہ نواز شریف اور اسحاق ڈار کے پاسپورٹ زائد المعیاد ہوگئے تھے اور تحریک انصاف کی حکومت نے ان کے پاسپورٹ کی تجدید کا عمل روک دیا تھا۔