پاکستان تحریک انصاف کے رہنما اور سابق وفاقی وزیرتوانائی حماد اظہر نے ٹویٹر پرلوڈشیڈنگ کی وجہ بتا دی۔

آج نیوز کے مطابق سماجی رابطے کی ویب سائٹ ٹوئٹر پر اپنے جاری کردہ ٹوئٹ میں کہا کہ پچھلے دو ہفتوں میں بار بار وارننگ کے باوجود ساہیوال کوئلہ پلانٹ کو مناسب پیمنٹ نہیں کی گئی۔

ان کا کہناتھا کہ ادائیگی نہ ہونے کے نتیجے میں وہ اپنی آدھی کیپسٹی پر چلا گیا ہے، مزید کہا اس کے پاس درآمدی کوئلہ خریدنے کے پیسے ہی نہیں۔

واضح رہے کہ لاہورسمیت پنجاب بھر میں لوڈ شیڈنگ کا سلسلہ جاری ہے جبکہ روزے داروں کوسحر وافطار کے اوقات میں بھی پریشانی کا سامنا کرنا پڑ رہا ہے۔

ذرائع کے مطابق لیسکو کی ڈیمانڈ 4400 میگا واٹ جبکہ سپلائی 3600 میگا واٹ ہے، کمپنی کو800 میگاواٹ کےشارٹ فال کا سامنا ہے۔

تاہم شارٹ فال کی وجہ سے لاہور،شیخوپورہ،پتو کی اورقصور سمیت دیگر دیہی علاقے بھی شدید لوڈ شیڈنگ کی زد میں ہیں۔