لاہور میں پاکستان تحریک انصاف آج سیاسی قوت کا مظاہرہ کرنے جارہی ہے، سپورٹرز عمران خان کو دیکھنے کیلئے بیتاب ہیں، کارکن صبح سویرے ہی جلسہ گاہ کے باہر پہنچ گئے ۔

پی ٹی آئی نے سیاسی قوت کا مظاہرہ کرنے کیلئے گریٹر اقبال پارک میں میدان سجا لیا ہے، کرسیاں لگ گئیں اور سٹیج بھی بن گیا مگر سیکیورٹی خدشات کے پیش نظر پارک کے دروازے بند ہیں۔

عمران خان کی کال پر دور دراز شہروں سے آنے والے کارکن صبح کے وقت ہی جلسہ گاہ کے باہر پہنچ گئے ،شہر بھر میں پاکستان تحریک انصاف کے بینرز ہورڈنگز اور پرچموں کی بہار لگی ہے۔

عام شہری کہتے ہیں کہ دور اقتدار میں عمران خان نے عوامی مسائل کو حل نہیں کیا، مہنگائی نے ڈیرے ڈال رکھے ہیں، ایسے میں جلسے جلوسوں کا کوئی جواز نہیں بنتا۔

سیکیورٹی خدشات کے پیش نظر گریٹر اقبال پارک میں سپورٹرز کا داخلہ دوپہر ایک بجے شروع کیا جائے گا۔