لاہورہائیکورٹ نے سابق وزیراعظم نوازشریف کا نام ایگزٹ کنٹرول لسٹ (ای سی ایل )سے نکالنے کیلئے دائر درخواست پر سماعت منسوخ کردی۔

جسٹس سید شہباز علی رضوی کی سربراہی میں لاہور ہائیکورٹ کے 2 رکنی بینچ نے سابق وزیر اعظم نواز شریف کا نام ای سی ایل سے نکالنے کیلئے شہباز شریف کی درخواست پر سماعت کرنا تھی۔

جسٹس سید شہباز علی رضوی کے رخصت پر ہونے کی وجہ سے رجسٹرار آفس نے درخواست کی کازلسٹ منسوخ کردی۔

یاد رہے کہ شہباز شریف نے نواز شریف کا نام ای سی ایل سے نکالنے کیلئے 2019 میں درخواست دائر کر رکھی ہے ،لاہور ہائیکورٹ میں دائر درخواست کی آخری مرتبہ سماعت 20 جنوری 2020ء کو ہوئی تھی۔

عدالت نے 16 نومبر 2019ء کو نواز شریف کو علاج کیلئے بیرون ملک جانے کی اجازت دی تھی۔