ايف آئی اے انسداد دہشتگردی ونگ نے اليکشن کمیشن اور عملے کو دھمکی دينے والے شخص کو گرفتار کر لیا۔

تفصیلات کے مطابق فیڈرل انوسٹیگیشن ایجسنی لاہور کے انسداد دہشتگردی ونگ نے الیکشن کمیشن اور عملے کو دھمکی دینے والے شخص احسن کو گرفتار کر لیا ہے۔

اس حوالے سے ایف آئی اے حکام نے بتایا ہے کہ احسن سیاسی جماعت کا کارکن ہے اور اس کو فیصل آباد سے گرفتار کیا گیا ہے۔

ایف آئی اے حکام نے کہا کہ ملزم نے اپنے لیڈر کےخلاف ممکنہ فیصلے پر اليکشن کميشن کو سنگين نتائج کی دھمکياں دیں تھيں۔

واضح رہے کہ ایف آئی اے اس سے قبل بھی سوشل میڈیا پر حکومتی اداروں کے خلاف سوشل میڈیا کمپین چلانے والوں کےخلاف کارروائی کرتے ہوئے ملزمان کو گرفتار کرچکی ہے۔