سابق وزیراعظم عمران خان اور اسپیکر پنجاب اسمبلی چودھری پرویزالٰہی کے درمیاں ٹیلیفونک رابطہ ہوا ہے ،عمران خان نے چودھری پرویزالٰہی کو وزارت اعلی کیلئے مکمل سپورٹ کرنے کی یقین دہانی کروادی۔

تفصیلات کے مطابق وزیراعظم کے عہدے سے ہٹنے کے بعد پاکستان تحریک انصاف کے چیئرمین عمران خان اور اسپیکر پنجاب اسمبلی چوہدری پرویز الہٰی کے درمیان ٹیلی فون پر رابطہ ہوا ہے۔

دونوں رہنماؤں میں موجودہ سیاسی صورت حال اور دیگر امور پر تفصیلی گفتگو کی۔

جبکہ پنجاب میں وزارت اعلیٰ کے انتخاب کے بارے میں رابطوں پر بھی دونوں رہنماؤں کی بات چیت ہوئی۔

اس موقع پر عمران خان نے کہا کہ پنجاب میں وزیراعلیٰ کیلئے چودھری پرویزالٰہی کو مکمل سپورٹ کریں گے۔