لندن: سابق انگلش اسٹار فٹبالر ڈیوڈ بیکھم اور گلوکارہ وکٹوریہ بیکھم کے گھر پر مبینہ ڈکیٹی کا واقعہ پیش آیا ہے جہاں ڈاکو ہزاروں پاؤنڈ سمیت الیکٹرانک اشیا لے کر فرار ہوگئے۔

برطانوی میڈیا 'دی سن' کی رپورٹ کے مطابق حادثے سے اہلِ خانہ کو کوئی نقصان نہیں پہنچا تاہم ڈکیٹی کے وقت سابق فٹبالر اور ان کی اہلیہ حالات سے بے خبر تھے اور بعدِ ازاں ان کے 17 سالہ صاحبزادے نے گھر واپسی پر حالات کا جائزہ لیتے ہوئے اپنے والدین کو چوری کے متعلق آگاہی فراہم کی۔

سابق انگلش فٹبالر ڈیوڈ بیکھم اور گلوکارہ وکٹوریہ بیکھم 1999 میں رشتہ اازدویاج میں منسلگ ہوئے تھے، میڈیا رپورٹ میں واردات کا وقت واضح بیان نہیں کیا گیا البتہ ڈیوڈ بیکھم کی جانب سے پولیس میں ڈکیٹی کی شکایت درج کرائی گئی۔